"Ардагерлерді ардақтайық" жобасы

"Nur Otan" партиясының Алматы облыстық филиалының жұмыс жоспарына сәйкес "Ардагерлерді ардақтайық" жобасы аясында "Шоңай батыр" бастауыш партия ұйымы Тыл ардагерлері мен жалғызбасты қарт кісілердің үйлеріне сенбілік ұйымдастырды.11 сынып оқушылары, сынып жетекшісі Мұхамед Жазиман жалғыз басты қарт ана Тұтқынбаева Жұмахан апамызға, 9 "Ә" сынып оқушылары, сынып жетекшісі Тұрсынқызы Нурия тыл ардагері Әлімбаев Алтай атаға барып, көмектесіп қайтты. "Қарты бар ел-қазыналы ел" деп бекер айтылмаса керек. Қазыналы қарттарымыз аман болып, ұрпақтар сабақтастығы жалғаса берсін. Қарттарымыз қуанып, оқушыларымызға бата берді. "Жаңбырменен жер көгерер, батаменен ел көгерер."