Мектепішілік олимпиада

2025 жылдың 03 қазан күні 134 бұйрық негізінде мектебімізде дәстүрлі мектепішілік пән олимпиадасы өткізілді. Олимпиаданың негізгі мақсаты – оқушылардың пәнге деген қызығушылығын арттыру, қабілетті және дарынды оқушыларды анықтау, сондай-ақ олардың білім деңгейін саралау болды.

Олимпиадаға 5–11-сынып оқушылары қатысып, жаратылыстану-математикалық және қоғамдық-гумманитарлық бағыттағы пәндер бойынша өз білімдерін сынға салды.

Жарыс нәтижесінде үздік көрсеткішке ие болған оқушылар анықталып, аудандық пән олимпиадасына қатысуға жолдама алды.

Іс-шара жоғары деңгейде ұйымдастырылып, әділқазылар алқасы оқушылардың білімін әділ бағалады. Олимпиада барысында оқушылар белсенділік танытып, өз білімдерін жан-жақты көрсете білді.

Мұндай сайыстар оқушылардың ізденісін, логикалық ойлау қабілетін дамытып, білімге деген ынтасын арттыратыны сөзсіз.