9 желтоқсан –Халықаралық сыбайлас жемқорлыққа қарсы күні

Жоспарға сәйкес 2019 жылдың 06 желтоқсан күні Е.Сиқымов атындағы орта мектеп базасында «Сыбайлас жемқорлыққа жол жоқ!» тақырыпта дөңгелек үстел ұйымдастырылып өтті. Дөңгелек үстелге 7-11 сынып оқушылары және Ақсу ауданының ішкі саясат бөлімінің бас маманы Қалиев Талғат Көшербайұлы қатысып, ой бөлісті. 7-11-сынып оқушылары «Сыбайлас жемқорлыққа жол жоқ!» деген тақырыпта шығарма жазды. Өз жұмыстарында оқушылар «Сыбайлас жемқорлық-халық дерті», Жемқорлық ол өз болашағымызға балта шабу сынды ойларын еркін жеткізе білді. «Сыбайлас жемқорлыққа қарсы күрес» тақырыбында бейнебаян көрсетіліп, оқушылар өз ойларымен бөлісті. Сонымен қатар келген қонаққа сұрақтар қойып, ойларында жүрген көкейкесті сұрақтарының жауабын толығымен алды. «Жемқорлықпен күресу басты міндеттіміз» тақырыбында 7-11 сыныптар арасында тәрбие сағаттары өтті. «Сыбайлас жемқорлыққа төзбеушілік» тақырыбында флешмоб ұйымдастырылып өтті.