"Тәуелсіздіктің таң нұры" әдеби сазды кеш

2018 жылдың 12 желтоқсан күні Е.Сиқымов атындағы орта мектебі мектеп жанындағы интернатында Тәуелсіздік күніне орай «Тәуелсіздіктің таң нұры» атты әдеби-сазды кеші болып өтті. Еліміздің тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсетіп, елін, жерін сүюге, Отанымызды қастерлеуге, шыншылдыққа тәрбиелеу мақсатындағы іс-шара директордың тәрбие жұмысы жөніндегі орынбасары Г.Нұрлыбекованың ұйымдастыруымен өткізілген болатын. Қазақстан Республикасының Тәуелсіздігінің 27 жылдық мерекесі күніне арналған салтанатты жиында 2 және 5-сынып оқушыларын республикалық «Жас ұлан» және «Жас қыран» балалар мен жасөспірімдер ұйымына қабылданды. Әдеби-мерекелік кешімізде мектеп директоры, облыстық мәслихат депутаты, «Шоңай-батыр» БПҰ-ның төрайымы Ибраимова Рахат Нығметбекқызы мектеп ұжымын, оқушылар мен қызметкерлерді Тәуелсіздік күнімен құттықтады. Мерекеге орай «Тәуелсіздік- шұғылалы таңдарым» тақырыбында әр сынып қабырға газеттерін шығарды. Кешті 10-сынып оқушылар Шаймерден Бейбіт пен Ілияс Аружан жүргізіп отырды. Осы сәтте 6-сынып оқушылары тәуелсіздік туралы өлеңдерін айтса, 7-11-сынып оқушылары өздерінің арнауларын оқыды. Мерекелік кеште 7Ә сынып оқушысы Серікқызы Сабина, 5Ә сынып оқушысы Мақатай Фатима, 10-сынып оқушысы Жеңіс Аманжол мерекелік ән айтты. «Менің Отаным-Қазақстан» тақырыбында арнайы дайындалған бейнематериал мен көрініс көрсетілді. Кеш соңында музыка пәнінің мұғалімі С.Мухамедиев «Қазағым менің» әнін орындады. Тәуелсіздік күніне арналған шара соңы концерттік бағдарламаға ұласты.