Әдістемелік күн

Аудандық әдістемелік орталықтың жұмыс жоспарына сәйкес әдіскер З.Фазылжанова мен мектеп директоры К.Базарбаева тарапынан 2024 жылдың 13 қараша күні әдістемелік күн ұйымдастырылды. Әдістемелік күнді ұйымдастырудың негізгі мақсаты – ағымдағы жылы мемлекеттік аттестаттаудан өтетін білім беру ұйымдарына өзін- өзі бағалау жұмыстарын жүргізуде әдістемелік көмек және сабақ беру әдістемесін бақылау, кәсіби шеберлігін шыңдауда әдістемелік қолдау көрсету.
Аталған шарада орталық әдіскері әкімшілік мүшелері тарапынан туындаған сұрақтарға жауап беріп, пікір алмасты. Сол сияқты пән мұғалімдерінің сабақты ұйымдастыруына, оқытудың тиімді әдістеріне, формативті бағалауды дұрыс жүргізуіне, сабақтың мақсат-міндетіне мән беріліп, сәйкесінше әдістемелік көмек көрсетіліп, тиімді кері байланыс орнатылды. Соңынан педагогтердің сабақтарына талдау жасалып, нақты әдістемелік ұсыныстар берілді. Әдістемелік күнде білім беру сапасын арттыруға байланысты

маңызды пікірлер айтылды.