"Мектепке жол" республикалық акциясы

05 шілде мен 30 қыркүйек аралығын қамтитын «Менің таңдауым – балаларға көмек көрсету» ұранымен «Мектепке жол» республикалық акциясы өткізілуде. Акцияның мақсаты - аз қамтылған, көп балалы және тұрмысы төмен отбасылардың балаларына, жетім балалар мен ата-анасының қамқорлығынсыз қалған балаларға жаңа оқу жылына дайындық кезеңінде көмек көрсету және әлеуметтік себептер бойынша балалардың мектепке бармауының алдын алу болып табылады.
Мектебімізде акция барысында оқушыларға ауданымыздың мекеме басшылары мен мектеп ұжымы тарапынан көмектер көрсетілуде. Бүгінгі күнге дейін көп балалы және аз қамтылған отбасында тәрбиеленіп жатқан 9 балаға 81 мың теңге көлемінде көмек көрсетілді.