Ауған соғысының ардагерлерімен кездесу

15 ақпан Ауған соғысының әскерлерінің Ауған жерінен шығарылғанына 31 жыл толады. Бұл күн- біз үшін тарихи күн. Ауған соғысының жылнамасы отандық жаңа тарихымыздың ең қаралы парақтарының бірі болып қала береді. Осыған орай мектебімізде 13 ақпан күні "Ауған от жалыны" тақырыбында Ауған соғысының ардагерлерімен кездесу өтті. Кездесуге ауданымыздың Ауған соғыс ардагерлері М. Оспанов, Е. Шыңғожанов, О. Есімов, Е. Мүсекенов және ардагерлер алқасының төрағасы, ауданымыздың құрметті азаматы Амангелді Айтпайұлы құрметті қонақтары болып шақырылды. Кездесу барысында 10-11 сынып оқушылары саптық көрініс байқауын ұйымдастырып, сәлемдесу, адымдап жүру, саптық элементтерді жоғары деңгейде орындады. Сонымен қатар Ауған соғысы тарихынан деректер, бейнебаяндар көрсетіліп, оқушылармен тағылымы мол кездесу болды.