«Жігер» дебат клубының ұйымдастыруымен 5-10 сынып оқушылары арасында «Тәртіпке бағынған құл болмайды» тақырыбында пікіралмасу болып өтті.

Е.Сиқымов атындағы орта мектебінде 14-қазан «Жігер» дебат клубының ұйымдастыруымен 5-10 сынып оқушылары арасында «Тәртіпке бағынған құл болмайды» тақырыбында пікіралмасу болып өтті. Мақсаты: Оқушылардың құқықтық сауаттылығын арттыру. Ата заңымызға  деген сүйіспеншілік сезімін қалыптастырып, шыншыл да әділетті және парасатты тұлғаны қалыптастыру. 

Пікіралмасу барысында оқушыларға құқық туралы жалпы түсінік беріліп,  тәртіпке байланысты өздерін ойландыратын сұрақтарын қойды және сол бойынша толық мәлімет алды.

«Тығырықтан шығар жол қайсы?» тақырыбында жағдаяттық тапсырмаларды орындап, өз ойларын айтты. «Заңсыз   арал» тапсырмаларын орындауда «Біз ешқандай заңы жоқ аралда өмір сүрсек, не болар еді?» деген сияқты сұрақтарға жауап алынды. Пікіралмасу соңында оқушылар тәртіпке бағынудың маңызды екенін, сол туралы өз ойларын еркін жеткізе білді.